كبسة الفراخ لرمضان

من طرف **Mohamed Adel Mahrous** الجمعة أغسطس 27, 2010 6:49 am

ازيكم يا احلى فتوكات النهارده حبيت احطلكم وصفتين سهلين جدا
ومش معقدين والطعم رووووووعه واهم حاجه انهم بيتعملوا بسرعه
يعني مش هتفضلي طول نهار رمضان في المطبخ
مش هطول عليكم وندخل في المفيد:

اولا :كبسة الفراخ
المقادير:فرخة مقطعة اربعه اجزاء
بصلتين كبار مقطعين صغير _ 2 ثمرة طماطم كبيرة مقطعه مكعبات صغيرة
زيت _ بهارات الكبسة

كبسة الفراخ لرمضان 1280795018

الفراخ هنحطها في ميه عليها معلقتين تلاته خل
ونسيبها تغلي لغايه لما الريم بتاعها يطلع ونشيله عشان النضافه بعد كده نطفي عليها ونصفيها

الطريقة : نجيب حلة ونحط فيها حوالي ربع او زياده شويه كوب زيت
ونحط فيه البصل المتقطع ونقلبه كويس لغايه لما يطري ويصفر شويه

بعد كده هنحط الفراخ ونقلبها لغاية لما تتحمر

بعد كده نضيف بهارات الكبسة ونقلب كويس ونضيف الطماطم ونقلب تاني شويه كده[/center]
I

بعد كده نضيف ميه على الفراخ ونسيبها تستوي
ونزود الميه لو قلت لغايه لما الفراخ تستوي ونظبط الملح

كده خلصنا من الفراخ نيجي باه للرز
الرز العادي المصري بتاعنا بيكون اطعم من البسمتي ده راي ههههههههه
نغسل الرز كويس ونصفيه وكمية الرز زي العادي الي انتي متعوده عليه
يعني على حسب الافراد الي هياكلوا

نحط الرز في حلة تانيه ونضيف عليه الميه الي سوينا فيها الفراخ
طبعا زي ما هي ولو كانت قليله نضيف ليها شويه ميه المهم انها تغطي الرز ب2سم على الاقل

ونسويه عادي جدا زي الرز يعني لما الميه تنشف نوطي النار عليه خااالص
لغايه لما يستوي ونحط عليه عند التقديم مكسرات وزبيب وممكن الاكتفاء بالزبيب فقط والفراخ طبعا

وبالف هنا وشفا ويارب تكون عجبتكم ومتنسوش التقييم ياقمرات

ثانيا :ورقة اللحمة الرهيبة

المقادير: لحمة يفضل البتلو مقطعة والكميه
حسب عدد الافراد الكميه دي لفردين تكون مسلوقه نصف سلقه
وشايلين الريم بتاعها عشان النضافه برده ونصفيها بس منرميش الشوربه

كبسة الفراخ لرمضان 1280796059

بطاطس مقطعة حلقات عريضة

كبسة الفراخ لرمضان 1280796106

طماطم مقطعة حلقات

كبسة الفراخ لرمضان 1280796159

بصل مقطع حلقات وحوالي 10 او اكثر فصوص توم كاملين

كبسة الفراخ لرمضان 1280796233

الطريقة :نحط كل المكونات على بعض
ونخلطهم ونحط بهارات وفلفل اسود

كبسة الفراخ لرمضان 1280796338

بتجيبي صينيه مرتفعه وتحطي فيها ورق فويل 2 مستطيل عكس بعض
بحيث الصينيه كلها تكون متقفله ويكون مرفوع عن الصينيه بمقدار مناسب

هنحط كل الخلطة فيها ونحط معلقتين زيت على الوش ونحط 2 مغرفة شوربة اللحمة
الي كنا سلقنا فيها اللحمه نص سلقه

كبسة الفراخ لرمضان 1280796539