مزيكا شيكا بيكا

كبسة الفراخ لرمضان

استعرض الموضوع السابق استعرض الموضوع التالي اذهب الى الأسفل

كبسة الفراخ لرمضان

مُساهمة من طرف Mohamed Adel Mahrous في الجمعة أغسطس 27, 2010 6:49 am



ازيكم يا احلى فتوكات النهارده حبيت احطلكم وصفتين سهلين جدا
ومش معقدين والطعم رووووووعه واهم حاجه انهم بيتعملوا بسرعه
يعني مش هتفضلي طول نهار رمضان في المطبخ
مش هطول عليكم وندخل في المفيد:


اولا :كبسة الفراخ
المقادير:فرخة مقطعة اربعه اجزاء
بصلتين كبار مقطعين صغير _ 2 ثمرة طماطم كبيرة مقطعه مكعبات صغيرة
زيت _ بهارات الكبسة




الفراخ هنحطها في ميه عليها معلقتين تلاته خل
ونسيبها تغلي لغايه لما الريم بتاعها يطلع ونشيله عشان النضافه بعد كده نطفي عليها ونصفيها



الطريقة : نجيب حلة ونحط فيها حوالي ربع او زياده شويه كوب زيت
ونحط فيه البصل المتقطع ونقلبه كويس لغايه لما يطري ويصفر شويه





بعد كده هنحط الفراخ ونقلبها لغاية لما تتحمر





بعد كده نضيف بهارات الكبسة ونقلب كويس ونضيف الطماطم ونقلب تاني شويه كده[/center]
I



بعد كده نضيف ميه على الفراخ ونسيبها تستوي
ونزود الميه لو قلت لغايه لما الفراخ تستوي ونظبط الملح




كده خلصنا من الفراخ نيجي باه للرز
الرز العادي المصري بتاعنا بيكون اطعم من البسمتي ده راي ههههههههه
نغسل الرز كويس ونصفيه وكمية الرز زي العادي الي انتي متعوده عليه
يعني على حسب الافراد الي هياكلوا




نحط الرز في حلة تانيه ونضيف عليه الميه الي سوينا فيها الفراخ
طبعا زي ما هي ولو كانت قليله نضيف ليها شويه ميه المهم انها تغطي الرز ب2سم على الاقل



ونسويه عادي جدا زي الرز يعني لما الميه تنشف نوطي النار عليه خااالص
لغايه لما يستوي ونحط عليه عند التقديم مكسرات وزبيب وممكن الاكتفاء بالزبيب فقط والفراخ طبعا




وبالف هنا وشفا ويارب تكون عجبتكم ومتنسوش التقييم ياقمرات





ثانيا :ورقة اللحمة الرهيبة

المقادير: لحمة يفضل البتلو مقطعة والكميه
حسب عدد الافراد الكميه دي لفردين تكون مسلوقه نصف سلقه
وشايلين الريم بتاعها عشان النضافه برده ونصفيها بس منرميش الشوربه





بطاطس مقطعة حلقات عريضة




طماطم مقطعة حلقات




بصل مقطع حلقات وحوالي 10 او اكثر فصوص توم كاملين






الطريقة :نحط كل المكونات على بعض
ونخلطهم ونحط بهارات وفلفل اسود





بتجيبي صينيه مرتفعه وتحطي فيها ورق فويل 2 مستطيل عكس بعض
بحيث الصينيه كلها تكون متقفله ويكون مرفوع عن الصينيه بمقدار مناسب



هنحط كل الخلطة فيها ونحط معلقتين زيت على الوش ونحط 2 مغرفة شوربة اللحمة
الي كنا سلقنا فيها اللحمه نص سلقه





ونقفل الورق الفويل عليها كويس من كل الجوانب




ونحط من الشوربة في الصينيه لغايه زي السهم في الصورة




وتدخليها الفرن على حرارة عاليه لمدة تقريبا من ساعة ونص لساعتين
وتفتحي عليها وتحمريها تحت الشوايه لو متحمرتش






وتقدم مع الرز الابيض وبالف هنا وشفا



يارب يكونوا عجبوكوا ياقمرات وتجربوهم بجد مش هتبطلوا تعملوهم
"ورمضان كريم" كريم هه يعني متبخلوش في الردود هههههههه
ومتنسوش التقييم بحبكم في الله















Mohamed Adel Mahrous
الإدارة وفريق الدعم الشامل
الإدارة وفريق الدعم الشامل

رسالهsms ليست الرجولة بأن تحبك كل النساء ...... ولكن الرجولة أن تعشق وتخلص لإنسانة واحدة وتجعلها فوق كل النساااء
نوعى : ذكر
العذراء
عدد مساهماتى : 581
تاريخ التسجيل : 05/06/2010
عمرى : 22
الموقع http://mazikashekabeka.ahlamontada.net
عملى : مصمم مواقع مجانية وvb ومدير موقع مزاكونيا ومزيكاشيكابيكا وفنتزها وابن البلد
صوره تظهر تحت بياناتك

معاينة صفحة البيانات الشخصي للعضو http://mazikashekabeka.ahlamontada.net/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى